Үе, үеийн удирдлагууд
 |
Өлзийн Чулуун Ажилласан он: 1937 Албан тушаал: Хорих лагерийн анхны дарга |
 |
Н.Лувсангомбо |
 |
Даржаагийн Бүрнээ 1908 онд төрсөн. Сэлэнгэ аймгийн харъяат. 1935 оноос ДЯЯ-нд ажилласан. Сайдын 1947.03.03-ны өдрийн 118 тоот тушаалаар ЗХҮЛ-уудыг удирдах газрын даргын үүргийг ДЯЯ-ны орлогч сайд, хурандаа Д.Бүрнээд хариуцуулсан. 1949 оны 10 сараас тус газрын даргаар томилогдсон. 1954 онд Зүүнхараагийн лагерийн даргаар ажиллаж байгаад ХАА яамны мэдэлд шилжүүлжээ.Д.Бүрнээ нь Хөдөлмөрийн хүндэт медаль, Хөдөлмөрийн гавъяаны улаан тугийн одон, Байлдааны гавъяаны улаан тугийн одонгоор тус тус шагнагдаж байсан байна. |
 |
Дэд хурандаа Сүрэнгийн Харцага. 1918 онд Увс аймгийн Малчин суманд төрсөн. 1941-1953 онд Хилийн цэргийн офицер, 1953 оноос ЗХХБ-ын хорих ангиудад сурган хүмүүжүүлэгчээс ангийн орлогч дарга, ангийн даргаар 30 жил тасралтгүй ажилласан. Ахмад дайчин. Байлдааны гавъяаны улаан тугийн одон, Байлдааны гавъяаны одон, Алтан гадас одон, Байлдааны хүндэт медаль, ойн медалиуд, “Тэргүүний ажилтан” цол, тэмдгээр шагнагдсан. |
 |
Хурандаа Баасангийн Халтар. 1916 онд Архангай аймгийн Хайрхан суманд төрсөн. Бороо, Түнхэл, Баруунхараа, Мааньт, Тосонцэнгэл дэх хорих анги, ЗХХБУГ-т нягтлан бодогч, мастер, ангийн дарга, Материал хангамжийн хэлтсийн даргаар ажиллаж байсан. Ахмад дайчин. Цэргийн гавъяаны одон, Хөдөлмөрийн хүндэт медаль, Алтан гадас одон, Байлдааны хүндэт медаль, ойн медалиудаар шагнагдсан. |
 |
Дэд хурандаа Лувсангийн Чүлтэмсүрэн. 1924 онд Хэнтий аймгийн Биндэр суманд төрсөн. 1965 онд ЗХУ-ын ДЯЯ-ны дээд сургууль төгссөн. Хуульч мэргэжилтэй. Улсын Архивын газар, ЗХБУГ-т мэргэжилтэн, Тосонцэнгэл, Хатгал, Зүүнхараа, Өндөрхаан, Хүүхдийн хорих ангид дарга, орлогч даргаар тус тус ажиллаж байсан.Байлдааны гавъяаны одон, Байлдааны хүндэт медаль, ойн медалиуд, “Тэргүүний ажилтан”, “Онц хилчин” цол тэмдгээр шагнагдсан. 1979 онд “Засан хүмүүжүүлэх байгууллагын товч түүх” номыг бичиж хэвлүүлсэн |
 |
Хурандаа Гэндэнгийн Чимэддорж. 1943 онд Завхан аймгийн Булнай суманд төрсөн. ЗХУ-ын ДЯЯ-ны дээд сургууль, ЗХУ-ын Улсыг аюулаас хамгаалах хорооны дээд курс тус тус төгссөн. 1965 оноос эхлэн НАХЯ-ны сисмемийн байгууллагад газар, хэлтсийн дарга, Хорих байгууллагуудын удирдах газрын Хэлтсийн даргаар ажиллаж байсан.Цэргийн гавъяаны одон, Алтан гадас одон, Байлдааны хүндэт медаль, ойн медалиудаар шагнагдсан.“Эрх зүйн албаны шинэчлэл” сэтгүүлийг санаачлан гаргасан. Мөн “Миний цагдан сэргийлэх”, “Засан хүмүүжүүлэх хөдөлмөрийн сэтгэл зүй” зэрэг 6 номыг орос хэлнээс бусад нөхдийн хамт зохиомжлон орчуулж, “Ялтнуудын дундах нуугдмал гэмт хэргийг илрүүлэх аргачлал” зэрэг 10 гаруй номыг бичсэн байна. |
 |
Хурандаа Лхамсүрэнгийн Лувсанпэрэнлэй.1919 онд Архангай аймгийн Тариат суманд төрсөн. 1966 онд ЗХУ-ын ДЯЯ-ны дээд сургууль төгссөн. 1938 оноос Матадын 8 дугаар дивизид байлдагч, жагсаалын дарга, 1943 оноос Тариат сумын Эвлэлийн үүрийн дарга, 1945 оноос Архангай аймгийн МХЗЭ-ийн хороонд лектор, 1948 оноос ДЯЯ-ны Архангайаймгийн хэлтэст хэсгийн төлөөлөгч, 1956-1959 онд Намын дээд сургуульд сонсогч, 1959 оноос УЦСЕГ-т төлөөлөгч, мөрдөн байцаагч, 1966 оноос Хүүхдийн хорих анги, Зүүнхараа, Баянзүрх, Мааньт дахь хорих ангиудад даргаар ажиллаж байсан. Байлдааны гавъяаны улаан тугийн одон, Алтан гадас одон, Байлдааны хүндэт медаль, ойн медалиудаар шагнагдсан. |
 |
Хурандаа Балчингийн Нацаг. 1936 онд Баянхонгор аймгийн Баянлиг суманд төрсөн. 1964 онд Комсомолын төв сургууль, 1966 онд Улс төрийн дээд сургууль, 1985 онд эдийн засгийн курс тус тус төгссөн. 1954-1957 онд Баянлиг суманд МХЗЭ-ийн үүрийн дарга, 1957-1964 онд Хилийн цэргийн тусгай хороонд цэрэг, бага дарга, салааны захирагч, биеийн тамирын удирдагч, МХЗЭ-ийн хорооны дарга, 1964-1966 онд НАХЯ-ны МХЗЭ-ийн хорооны тасгийн эрхлэгч, 1966-1989 онд Бугант, Зүүнхараа, Мөнгөнморьт, Багануур дахь хорих ангид орлогч, дарга, ангийн даргаар тус тус ажиллаж байсан. Байлдааны гавъяаны улаан тугийн одон, Байлдааны гавъяаны одон, Алтан гадас одон, Байлдааны хүндэт медаль, ойн медалиуд, “Онц хилчин”, МХЗЭ-ийн “Тэргүүний ажилтан”, ШШГБ-ын “Хүндэт ажилтан”, МАХН-ын “Ахмад зүтгэлтэн” цол, тэмдгээр шагнагдсан. |
 |
Хурандаа Батын Гонгор. Говь-Алтай аймгийн Дэлгэр сумын 1 дүгээр баг Шартолгойн бууцанд Төмөр тогой жилийн хаврын дунд сард малчин ардын гэрт төрсөн. 8 наснаасаа эрдэм номын мөр хөөж, 1949 оноос Говь-Алтай аймагт бага, дунд сургууль, 1956-1960 онд Улаанбаатар хотод Хүн-эмнэлгийн техниккум төгсөж, бага эмчийн мэргэжил эзэмшсэн. 1971, 1973 онуудад ЗХУ-ын Аюулаас хамгаалах хорооны болон Дотоод яамны академийн дэргэдэх дээд курсуудэд суралцаж төгссөн. НАХЯ-ны УАХБ-ын болон ЗХБбн ахмад ажилтан, хуульч-эрх зүйч эмч мэргэжилтэй
1960-1964 онуудад Говь-Алтай аймгийн Бигэр, Төв аймгийн Баян сумдад хүний эмч, 1964 оноос НАХЯ-ны УАХБын цэргийн тусгай хэлтэст төлөөлөгч, ЗХБУГ-ын харъяа хорих ангиудад хүний эмч, тоо бүртгэлийн байцаагч, ангийн дарга, орлогч даргаар 40 гаруй жил тасралтгүй ажиллаж, 2006 онд гавъяаны амралтанд гарсан байна. |
 |
Дэд хурандаа Дамдины Даваадорж. 1946 онд Булган аймгийн Булган суманд төрсөн. 1982 онд ЗХУ-ын ДЯЯ-ны дээд сургууль төгссөн. Хуульч мэргэжилтэй. 1987-1990 онд НАХЯ-нд төлөөлөгч, ахлах төлөөлөгч, ЗХХБ-ын Зүүнхараа дахь хорих анги, Урьдчилан хорих төвд орлогч дарга, ангийн дарга, Удирдах газарт орлогч даргаар ажиллаж байсан. Алтан гадас одон, ойн медалиудаар шагнагдаж байсан. |